Politika e privatësisë — Flota
1. Çfarë është Flota dhe kush është përgjegjës për të dhënat
Flota është një program për kompanitë rent-a-car: makinat, qiratë, kontratat, dorëzimi/kthimi me foto, shpenzimet dhe raportet. Të dhënat që një kompani fut në program (klientët e saj, kontratat, fotot) i përkasin asaj kompanie; kompania është kontrolluesi i këtyre të dhënave sipas Ligjit nr. 9887/2008 «Për mbrojtjen e të dhënave personale» (i ndryshuar) dhe, kur zbatohet, GDPR-së. Ne i përpunojmë ato vetëm për të ofruar shërbimin, si përpunues në emër të kompanisë.
2. Të dhënat që mbledhim
- Llogaria: emaili, emri, fjalëkalimi (i ruajtur i koduar, ne nuk e shohim), kompania dhe roli (pronar/staf), data e hyrjes së fundit.
- Të dhënat e kompanisë (të futura nga stafi i saj): makinat dhe dokumentet e tyre, qiratë dhe të dhënat e qiramarrësve (emri, nr. ID/pasaporte, patenta, telefoni, email, adresa, datëlindja), kontratat, kilometrat, karburanti, dëmtimet, fotot e makinës në dorëzim/kthim, shpenzimet, cilësimet.
- Pagesat e abonimit: data, shuma dhe periudha që mbulon. Nuk ruajmë të dhëna kartash; pagesat bëhen me transfertë bankare ose cash.
- Të dhëna teknike: regjistra të serverit (adresa IP, ora, lloji i kërkesës) për siguri dhe diagnostikim, të ruajtura për një periudhë të kufizuar.
Nuk mbledhim të dhëna për reklama, nuk përdorim gjurmues (tracker) të palëve të treta dhe nuk shesim të dhëna.
3. Lejet në telefon
- Kamera dhe galeria: vetëm kur zgjidhni të fotografoni makinën ose të ngarkoni një foto/PDF dokumenti. Fotot ruhen në hapësirën private të kompanisë suaj.
- Interneti: për të lexuar dhe ruajtur të dhënat në re.
Nuk kërkojmë vendndodhjen, kontaktet apo mikrofonin.
4. Ku dhe sa kohë ruhen
Të dhënat ruhen në infrastrukturën e Supabase Inc. (serverë në Frankfurt, Bashkimi Europian), e ndarë për çdo kompani dhe e mbrojtur me rregulla aksesi në nivel rreshti: çdo llogari sheh vetëm të dhënat e kompanisë së vet. Lidhja është e koduar (TLS). Të dhënat ruhen sa zgjat marrëdhënia me kompaninë; pas përfundimit të abonimit mbeten të lexueshme për kompaninë dhe fshihen me kërkesën e saj ose pas 12 muajsh pasiviteti, me njoftim paraprak.
5. Kush i sheh të dhënat
- Stafi i kompanisë suaj, sipas llogarive që krijon pronari.
- Administratori i sistemit (TUFA Consult), vetëm për mbështetje teknike, administrimin e abonimit ose kur kompania e kërkon.
- Ofruesi i infrastrukturës (Supabase), si nënpërpunues, sipas kushteve të tij të mbrojtjes së të dhënave.
Nuk i ndajmë të dhënat me palë të tjera, përveç kur e kërkon ligji.
6. Të drejtat tuaja
Pronari i kompanisë mund të kërkojë në çdo kohë kopjen e plotë të të dhënave të kompanisë, korrigjimin ose fshirjen e tyre dhe mbylljen e llogarive. Qiramarrësit (klientët e kompanive) duhet t'i drejtohen kompanisë me të cilën kanë lidhur kontratën; ne e ndihmojmë kompaninë t'i përmbushë këto kërkesa. Për fshirjen e llogarisë suaj: shkruani te info@tufa.al nga emaili i llogarisë.
7. Ndryshimet
Nëse kjo politikë ndryshon, versioni i ri publikohet në këtë faqe me datën e re; për ndryshime thelbësore njoftojmë brenda programit.
8. Kontakti
TUFA Consult · Fushë-Krujë, Shqipëri · info@tufa.al · +355 69 60 52 163
Privacy policy (English summary)
We collect account data (email, name, encrypted password, company, role) and the business data your company enters (vehicles, rentals, customer details, contracts, inspection photos, expenses). Your company is the data controller; we process the data only to provide the service. Data is stored on Supabase infrastructure in Frankfurt (EU), isolated per company and encrypted in transit. The camera and photo library are used only when you choose to take or upload a photo. We do not use advertising, third-party trackers, or sell data. Company owners can request a full export, correction or deletion of their data and the closure of accounts at any time at info@tufa.al.